Este curso céntrase na historia da literatura e das ideas francesas do século XVIII. Pretende presentar o século enteiro, as obras e os autores así como as batallas de ideas que abarcan a Ilustración. Farase fincapé nos “grandes autores” (Montesquieu, Prévost, Marivaux, Voltaire, Rousseau, Diderot, Sade…) que constitúen o fondo cultural necesario para ter unha idea xeral do século., pero sen deixar de lado todo o que as investigacións recentes puxeron en evidencia en canto a movementos fundamentais, representados por autoras que ocupan un lugar menos individualizado no panteón literario pero que, non obstante, son importantes (textos underground, novelas libertinas, desenvolvemento das mulleres de letras, etc.) .
Coidaremos de achegar os elementos de encadramento histórico que permitan localizar as importantes mutacións dos xéneros dinámicos do momento (novela, teatro) así como os debates intelectuais e a forma en que se plasman nas grandes obras.
